മഞ്ചാടിക്കുരു


എർണ്ണാകുളത്തിന്റെ അതിർത്തി പിന്നിടുകയായിരുന്നു ആനവണ്ടി.”ഉമ്മാ ഇന്ന് മൂത്തുമ്മാടെ ഫാമിലീം വരോ?”

“അവർ അടുത്ത സ്റ്റോപ്പിൽ നിന്ന് കേറും… നീ ഒന്ന് ക്ഷമീ…”

ഈ അന്വേഷണത്തിനു പ്രേരണ നൽകിയത്‌ കൂട്ടുകാരിയെ കാണാൻ പറ്റോ എന്ന ആശങ്കയാണു.കയ്യിൽ ഓണം സ്പെഷ്യൽ ബാലരമ , മഹാബലിയുടെ ചിത്രങ്ങൾ പരസ്യങ്ങളായി വഴി നീളെ കാണാം…ഓണം വെക്കേഷൻ എന്നതിലുപരി അവൾക്കൊപ്പം അതടിച്ചപൊളിക്കാമെന്ന സന്തോഷമാണുള്ളിൽ.

വാമനൻ പാതാളത്തിലേക്ക്‌ മാവേലിയെ ചവിട്ടിതാഴ്‌ ത്തിയപ്പോൾ ഡ്രൈവറും ബ്രേക്കമർത്തി.അങ്ങനെ മൂത്തുമ്മാടൊപ്പം അവളും കയറി.

മുഖം ക്ഷീണിച്ചിരിക്കുന്നു അനീമിയ കുടഞ്ഞെറിഞ്ഞതാവണം.അവളുടെ ക്ലാസ്‌ വിശേഷങ്ങളിലൂടെ ഞങ്ങൾ സഞ്ചരിച്ച്‌ കൊണ്ടിരുന്നു ഒപ്പം ബസ്സും.
………………………………………
ഉമ്മാടെ വീട്‌ ഞങ്ങൾക്ക്‌ പ്രിയപ്പെട്ട ഇടം.

“നമ്മക്ക്‌ പൂക്കളമിട്ടാലോ? “അവളാണു പറഞ്ഞത്‌

“എനിക്കറിയില്ല…”

“നീ വാ നമ്മക്കൊരുമിച്ചിടാം..”

വീടിനു ചുറ്റുമുള്ള പറമ്പിൽ കോൺക്രീറ്റ്‌ കാടിനു വിത്ത്‌ പാകിയിരുന്നില്ല.തുമ്പയും കാക്കപ്പൂവും കമ്മ്യൂണിസ്റ്റ്‌ പച്ചയും പിന്നെ ഇവർക്ക്‌ തണലേകി മാവുകളും.

അടുക്കളയിൽ നിന്ന് പൊക്കിയ സ്റ്റീൽ പാത്രത്തിൽ മണ്ണു നിറച്ച്‌ പൂക്കൾ അതിൽ നിർത്തി പിന്നെ കുറച്ചിലകൾ പറിച്ച്‌ ചുറ്റും നിരത്തി.

ഓർമ്മയിൽ പരതിയാൽ എന്റെ ആദ്യത്തെ പൂക്കളത്തിന്റെ സ്ഥാനത്ത്‌ അത്‌ മാത്രേ വരൂ.അന്നവൾ വരച്ച കളങ്ങൾക്കുള്ളിലായി ഞങ്ങളുടെ ചിരികൾ നിറഞ്ഞു.

എവിടന്നോ ചെണ്ടയുടെ മേളം കേട്ട്‌ തുടങ്ങി അകത്ത്‌ നിന്ന് മാമ പറയുന്നത്‌ കേട്ടു…
പുലി കളിയാണു വരുന്നതെന്ന്…
അന്നെന്റെയും അവളുടെയും വിശ്വാസം അത്‌ യഥാർത്ഥ പുലി എന്ന തന്നെയായിരുന്നു.
ഭയം മുന്നിലിരുന്ന് പല്ലിളിച്ചിട്ടുണ്ടാവണം. വീടിന്റെ പിറകിൽ മറഞ്ഞിരുന്ന് ആ ശബ്ദം പോവാൻ കാത്തിരുന്നു.

“ഡീ നമ്മക്ക്‌ പട്ടം പറത്താം…”

“അതിനു നിനക്ക്‌ പട്ടം ഒണ്ടാക്കാനറിയോ?”
“നീ വാ..”

ആ പറമ്പിൽ ചേട്ടൻ പറത്തുന്നത്‌ നോക്കാം അവരു ചെലപ്പോ കയ്യിൽ നൂലു പിടിക്കാൻ തരും.

പട്ടങ്ങൾ ഉയരത്തിലേക്ക്‌ പറന്നു കൊണ്ടിരുന്നു…

ആ വെക്കേഷനും കഴിഞ്ഞു…

സ്ഥലങ്ങളെ പിന്തള്ളി ബസ്സും പാഞ്ഞു.
……………
“ഡാ നമ്മക്കൊന്നു മൂത്തുമ്മാടെ വീട്ടിൽ പോകാം”

ഒരു ശനി കൂടി ഉണരുകയയിരുന്നു.

ഉമ്മയുടെ ശബ്ദത്തിൽ സങ്കടം കലർന്നിരുന്നു.

അവളെ കാണാല്ലോ എന്ന സന്തോഷത്തിൽ കയ്യിൽ ഒരു കുപ്പി മഞ്ചാടിക്കുരു കരുതി അവൾക്കു കൊടുക്കാൻ.

അവൾടടുത്ത്‌ അങ്ങനത്തെ കുറെ ശേഖരണങ്ങളുണ്ട്‌ തീപ്പെട്ടിപ്പടം, പുളിങ്കുരു, വളപ്പൊട്ട്‌.

അവളുടെ മുഖത്തെ സന്തോഷമായിരുന്നു മനസ്സിൽ നിറയെ. ബസ്സിറങ്ങി പുത്തൻ തോടിന്റെ അരിക്‌ പറ്റി നടന്നു…

എതിരെ ആൾക്കാർ കടന്നു പോകുന്നു…

കർപ്പൂരത്തിന്റെ മണം ചുറ്റും…

വഴിയിൽ തുമ്പയും കാക്ക പൂവും പൂത്ത്‌ നിന്നു..

ആ വീടിനു ചുറ്റും ആളുകളെ കൊണ്ടുള്ള കളങ്ങൾ വരച്ചിരുന്നു.

ഒരു തേങ്ങലടക്കി ഉമ്മ അകത്തേക്ക്‌ കയറി . എന്റെ കയ്യിലെ കുപ്പി നിലത്ത്‌ വീണു വെള്ളപൊതിഞ്ഞ ശരീരത്തിൽ ചെറിയ ചോരപ്പുള്ളികളായ്‌ മഞ്ചാടിക്കുരു.

ഇതെങ്കിലും അവൾ കൊണ്ട്‌ പോകുമായിരിക്കും..

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )

Blog at WordPress.com.

Up ↑

%d bloggers like this: