ഉറവ തേടി…


നാലിലേക്ക്‌ സമയത്തെ കൊരുത്തിട്ടപ്പോഴേക്കും ഞങ്ങൾ കാടിറങ്ങിയിരുന്നു.പിറകിൽ ഞങ്ങളെ നയിച്ച‌ ഒറ്റയടിപ്പാത പടക്കത്തിന്റെ തിരി പോലെ കുറച്ച്‌ മാത്രം പുറത്തവശേഷിച്ചു ബാക്കി കാടിന്റെ ഗർഭത്തിൽ മറഞ്ഞു…

……………………………………………………………

“ഡാ നീ പോവല്ലേ ഒരു കാര്യം പറയാനുണ്ട്‌…”

ളുഹർ നമസ്കാരം പൂർത്തിയാക്കി പുറത്തേക്കിറങ്ങിയ എന്നെ തമീസ്‌ പിടിച്ചു നിർത്തി.

“എന്താഡോ കാര്യം?”

“നാളെ താൻ ഫ്രീ ആണോ?”

“വാപ്പ പണിയൊന്നും ഏൽപിച്ചില്ലെങ്കിൽ ഫ്രീ ആയിരിക്കും…”

“നാളെ എന്റെ കൂടെ മരോട്ടിച്ചാൽ വരുന്നോ?”

“മരോട്ടിച്ചാലോ!? അവിടെന്താ?”

“അവിടെ കാടിനുള്ളിൽ ഒരഞ്ച്‌ കിലോമീറ്റർ നടന്നെത്തിയാൽ ഒരു വെള്ളച്ചാട്ടം ഉണ്ട്‌.. കിഡു ഐറ്റമാണു വരുന്നോ?”

“കാട്‌ , വെള്ളച്ചാട്ടം കൊള്ളാം…    ഞാൻ റെഡി”

വീട്ടിലെത്തിയ ഉടൻ ഗൂഗിളിൽ റൂട്ടും ഫോട്ടോസും തപ്പി.കണ്ടപ്പോ തന്നെ എന്തായാലും പോകണമെന്നുറപ്പിച്ചു…
എറണാകുളത്ത്‌ നിന്നു വരുന്നവർക്ക്‌ ചാലക്കുടി യിൽ നിന്ന് ഹൈവേയിലൂടെ ആമ്പല്ലൂരെത്തിയാൽ അവിടന്ന് ഉള്ളിലേക്ക്‌ അളഗപ്പനഗർ പോളി യെത്തും അതിനു തൊട്ടു മുമ്പ്‌ ലെഫ്റ്റിലേക്കൊരു റോഡ്‌ ഉണ്ട്‌ അതിലൂടെ നേരെ വിട്ടാൽ മരോട്ടിച്ചാൽ കുത്ത്‌ അവിടെ ആരോട്‌‌ ചോദിച്ചാലും പറഞ്ഞു തരും.

അല്ലേൽ ഗൂഗിളിലെ ചേച്ചിയോട്‌ ചോദിച്ചാൽ മതി

MAPmap1

……………………………………………………………………..

ആമ്പല്ലൂരെത്തിയപ്പോൾ സമയം ഒമ്പത്‌ കഴിഞ്ഞു

കൂടെ വരാമെന്നേറ്റിരുന്ന ഒരുവനെ കാത്ത്‌ അവിടെ അരമണിക്കൂർ ഇതിനിടയിൽ ഉച്ചഭക്ഷണം അവിടുള്ള ഒരു ഹോട്ടലിൽ നിന്ന് പാഴ്സലായി വാങ്ങി.

‌ തിരക്ക്‌ തിന്ന് തുടങിയ റോഡിലൂടെ ഞങളെയും വഹിച്ചു കൊണ്ട്‌ വണ്ടി നീങ്ങി

മരോട്ടിച്ചാലിനു മുമ്പുള്ള ജങ്ങ്ഷനിൽ(മരോട്ടിച്ചാൽ കുത്ത്‌) നിന്ന് ഒരു ചായ കൂടി അടിച്ചു.

ആ ബലത്തിൽ മലയിലേക്കുള്ള പാത കയറാൻ തുടങ്ങി.

പ്രവേശന കവാടമോ മറ്റോ അവിടെ കാണാൻ സാധിക്കില്ല വനം വകുപ്പിന്റെ ഒരു ബോർഡ്‌ മാത്രം 10 ഓളം പടികളും തൊട്ടപ്പുറത്ത്‌ ഒരു കനാലും.

ആ കനാലിന്റെ വശത്തൂടെ ഞങ്ങൾ നടത്തം തുടർന്നു.

അരുവി പാറയിൽ ചുമ്പിക്കുന്ന ശബ്ദം കേട്ട്‌ തുടങി ഈ കനാലിലെ വെള്ളം പോലും ആ വെള്ളച്ചാട്ടത്തിൽ നിന്നുള്ളതാവാം ഏകദേശം അര കിലോമീറ്റർ പിന്നിട്ടപ്പോഴേക്കും മരോട്ടിച്ചാൽ വെള്ളച്ചാട്ടം (ഒലക്കയം വെള്ളച്ചാട്ടം) ഞങളെ ദർശിച്ചു, ചെറിയ ഡാം അവിടവിടെ കുഴികളിൽ വെള്ളം കെട്ടിക്കിടക്കുന്നു താഴെ പാറയിൽ പോസുകൾ കൊടുത്തുകൊണ്ട്‌ നവദമ്പദികൾ കല്യാണ ആൽബം ഷൂട്ടിംഗ്‌ അരങ്ങേറുന്നു.
കാട്ടിലേക്കുള്ള പാത തുടങ്ങുന്നിടത്ത്‌ ചെറിയ ഗുഹ കാണാം, ഉള്ളിൽ കാടിനെ വ്യഭിചരിച്ച്‌ മദ്യകുപ്പികളും മറ്റ്‌ മാലിന്യങ്ങളും. മനുഷ്യന്റെ കൈകടത്തലുകൾ ഇലഞ്ഞിപ്പാറ വെള്ളച്ചാട്ടം എത്തുന്നിടം വരെയുണ്ട്‌ മിഠായി പാക്കറ്റുകൾ സിഗരറ്റ്‌ പാക്കറ്റുകൾ ബിസ്കറ്റ്‌ കവറുകൾ…
കാട്ടുപാത ഗൂഗിളിൽ റ്റ്രെയിൽ പാത്ത്‌ എന്ന പേരിൽ കൊടുത്തിട്ടുണ്ട്‌ . മരോട്ടിച്ചാൽ വെള്ളച്ചാട്ടത്തിന്റെ അരിക്‌ ചേർന്നാണു ആ പാത തുടങ്ങുന്നത്‌…

കയ്യിൽ കമ്പുകളും പിടിച്ച്‌ കാടൈനകത്തേക്ക്‌ ഞങ്ങൾ പ്രവേശിച്ചു. പലതരം കിളികളുടെ ശബ്ദവും കാട്ടുചോലയുടെ ശബ്ദവും ചേർന്ന് സംഗീത വിരുന്നൊരുക്കി. ചിലയിടങ്ങളിൽ വള്ളിപടർപ്പുകളെ നൂണ്ടും പാതയുടെ കുറുകെ കിടന്ന മരത്തടികൾ ചാടി കടന്നും യാത്ര പുരോഗമിച്ചു. കാട്ടുചെടികളുടെ ചിത്രങ്ങൾ ഫോൺ മെമ്മറിയിലേക്ക്‌ ചേക്കേറി ഒപ്പം പാതയും, ഇടക്കിടെ കാണുന്ന വെള്ളച്ചാട്ടങ്ങളും. ഏകദേശം പാതയുടെ മധ്യത്തിൽ വെച്ച്‌ കാട്ടുചോലയെ കുറുകെ കടക്കേണ്ടതുണ്ട്‌ അവിടം ചിത്രശലഭങ്ങളാൽ നിറഞ്ഞതാണു. ധാരാളം ചിത്രശലഭങ്ങൾ കൂടിയുള്ള കാടാണിത്‌.

IMG_2670

പൊടുന്നനെ അടുത്തൊരനക്കം ഒരു കറുത്ത മൃഗം മുന്നിലൂടെ പാഞ്ഞുപോയി അതിന്റൊപ്പം ഞങടെ പാതി ജീവനും. മരപ്പട്ടിയാണെന്ന് തോന്നുന്നു.

കേറ്റങൾക്കോടുവിൽ പ്രതീക്ഷ കത്തിച്ചുകൊണ്ട്‌ വെള്ളം അതിന്റെ സംഗീതം  കാറ്റിനൊപ്പം പറഞ്ഞുവിട്ടു.

ഇവിടെ നിന്നാൽ മൂന്ന് വഴികൾ കാണാം.

ഒന്ന് ഇലഞ്ഞിപ്പാറയ്ക്‌ അഭിമുഖമായി നിൽക്കുന്ന പാറമുകളിലേക്ക്‌.

രണ്ട്‌ നേരെ വെള്ളച്ചാട്ടത്തിലേക്ക്‌. മൂന്ന് വെള്ളച്ചാട്ടത്തിനു മുകളിലേക്ക്‌.

IMG_2596
IMG_2656

ആദ്യം ഇലഞ്ഞിപ്പാറ വെള്ളച്ചാട്ടത്തിന്റെ ദൃശ്യം കിട്ടാൻ പാറമുകളിലേക്ക്‌ കയറി. തട്ട്‌ തട്ടായി ഒഴുകിവരുന്ന വെള്ളം ചിലയിടങ്ങളിൽ മഴവില്ല് രചിച്ച്‌ കൊണ്ട്‌ പാറയെ പുണരുന്നു.മുകളിൽ സൂര്യൻ ഉള്ള ചൂട്‌ മൊത്തം പാറയിൽ പതിപ്പിക്കാനുള്ള ശ്രമത്തിലും.

ചുറ്റും പച്ചയെ ശരീരത്തിൽ പകർത്തി മലനിരകൾ.

………………………………………………………………….

“ഡാ നമുക്കൊന്ന് കുളിച്ചാലോ?”

വിയർപ്പ്‌ എല്ലാവരുടെയും ദേഹത്തെ പുതച്ചിരുന്നു, കാറ്റ്‌ പുണരും വരെ

“ഇപ്പൊ വേണ്ട നമുക്ക്‌ ഇനി വെള്ളച്ചാട്ടത്തിന്റെ മുകളിലേക്ക്‌ പോകാം..”

“അവിടെ നിന്ന് ഭക്ഷണം കഴിച്ച്‌ ഇതിന്റെ ഉറവ തേടാം…”

“ഇറങ്ങുമ്പോൾ താഴെ കുളിക്കാം…”

………………………………………………………………………..

 

IMG_2662
ഭക്ഷണം കഴിച്ചു വേസ്റ്റ്‌ ബാഗുകളിൽ നിറച്ചു വെച്ചു. പിന്നെ നടത്തം തുടങ്ങി ഇതിന്റെ ഉറവിടം തേടി മുകളലേക്ക്‌ വരുന്നവർ കുറച്ചേ ഉള്ളുവെന്ന് തെളിയിച്ചുകൊണ്ട്‌ ചോലയുടെ പരിസരങ്ങൾ മാലിന്യമുക്തമായി കിടന്നു.

 

ഉള്ളിൽ ഭയം ഉരുണ്ടുവീഴാൻ തുടങ്ങിയിരുന്നു.

രണ്ട്‌ മൂന്ന് തവണ പാറകളിൽ നിന്ന് ഞങളും വഴുതി വീണു.ഒടിഞ്ഞു കിടക്കുന്ന മരച്ചില്ലകൾക്കിടയിലൂടെ കാട അതിന്റെ ലഹരി ഞങ്ങളിലേക്കിറക്കി.

ചോല ഞങ്ങളെ ഉള്ളിലേക്ക്‌ വലിച്ചു കൊണ്ടിരുന്നു. കുറേയേറെ ചെന്നപ്പോൾ പച്ച നിറത്തിലുള്ള ഒഴുക്കിനൊപ്പം ഇലകൾ ചെരിച്ച്‌ വെച്ച ചെടികളാൽ ചോല നിറഞ്ഞു. ഇനി ഇതിൽ കൂടി നടന്നാൽ ഇടയിൽ എന്തേലും ഉണ്ടാവുമോ എന്ന ഭയവും? ഇലഞ്ഞിപ്പാറ യിൽ നിന്നും നമ്മൾ കുറേ അകലത്തിലാണെന്ന ഭയവും ഞങ്ങളേ പിറകിലേക്ക്‌ വലിച്ചു.

അവിടെ നിന്ന് ഞങ്ങളുടെ തിരിച്ചുള്ള പ്രയാണം ആരംഭിച്ചു…
വെള്ളച്ചാട്ടത്തിനു താഴെ ഞങൾ 3 പേർ, കാടിന്റെ ഗന്ധവും പേറി വെള്ളം ഞങളെ പുണർന്നൊഴുകി. മനസ്സ്‌ ശരീരത്തെ വേർപ്പെട്ട്‌ ഉയരങ്ങളിലേക്ക്‌ സഞ്ചരിച്ചു. ഹൃദയത്തെ കൂടി കഴുകി കൊണ്ട്‌ വെള്ളം കടന്നു പോയി.

വൈകും മുമ്പ്‌ കാടിറങ്ങണം എന്ന ചിന്തക്കൊപ്പം ഞങ്ങളും ഇറങ്ങി.

പിറകിൽ നടന്ന് തീർത്ത പാതയെ കാട്‌ വിഴുങാൻ തുടങ്ങിയിരുന്നു ഞങ്ങളേക്കാൾ മുമ്പിൽ ഞങ്ങളെ കഴുകിയ വെള്ളം പ്രയാണം തുടങ്ങിയിരുന്നു.

കുറച്ച്‌ ആൾക്കാരെ കൂടി കൂട്ടി ഒന്ന് കൂടി ഇങ്ങോട്ട്‌ വരണം ഈ വഴിയെ നശിപ്പിച്ച്‌ കൊണ്ടിരിക്കുന്ന പ്ലാസ്റ്റിക്‌ മാലിന്യങ്ങൾ പെറുക്കാൻ…

നിങ്ങൾ റെഡിയാണോ?!!!

Advertisements

One thought on “ഉറവ തേടി…

Add yours

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )

Create a free website or blog at WordPress.com.

Up ↑

%d bloggers like this: