ഗൗറ


“ചേട്ടാ… ഇതിനെന്താ വില?”
“ഏതിനു?”

“ഈ ഗൗറക്ക്‌..”

സ്ഫടിക ക്കൂട്ടിൽ ചെറിയ ഗ്ഗൗറ കുഞ്ഞുങ്ങൾ ഓടി നടക്കുന്നു. ആ പയ്യന്റെ നേരെ പുഞ്ചിരിയിൽ പൊതിഞ്ഞു “ജോടിക്കു 50 രൂപ “എന്ന വാക്കുകൾ കൂട്ടുകാരന്റെ വായിൽ നിന്ന് പറന്നു.

പാത്രത്തിൽ ഗൗറ കുഞ്ഞുങ്ങൾ  പെരുന്നാളിനു  വന്നു പോകുന്നവരുടെ മുഖങ്ങളിലേക്കു കണ്ണെറിഞ്ഞു ആരായിരിക്കും തങ്ങളുടെ പുതിയ ഉടമസ്ഥർ എന്ന സമസ്യക്ക് ഉത്തരം കണ്ടെത്താനുള്ള ശ്രമത്തിലായിരുന്നു…

“ഡാ പ്രവീ.. ”

“വീട്ടിലെ കിണറ്റിൽ വലിയ ഒരു ഗൗറ ഉണ്ടായിരുന്നു..”

“എന്നിട്ട്‌?”

“എന്നിട്ടെന്താ വയറു വീർത്തു ചത്തു പോയി…”

കൂടുതൽ സംഭാഷണത്തിലേക്കു കടക്കാൻ തോന്നാത്തത്‌ കൊണ്ട്‌ ആ വാചകങ്ങൾകൊടുവിൽ ഞങ്ങൾക്കിടയിൽ ഒരു മൗനം കൂടി ഇടം കണ്ടെത്തി.

പള്ളിക്ക പെരുന്നാളിനു വന്ന് പോകുന്നവരുടെ എണ്ണം അക്ഷയ പാത്രത്തിൽ വീണ അരിമണികൾ പോലെ കൂടി കൊണ്ടിരുന്നു.

ആ സ്റ്റാളിൽ മനസ്സിനെ ഉപേക്ഷിച്ച്‌ വീട്ടിലേക്ക്‌ നടന്നു.

കിണർ ഇപ്പോഴും അന്തേവാസികൾ ആരുമില്ലാതെ കിടക്കുന്നു.

മിനിഞ്ഞാന്നാണു വെള്ളം മോശമായി തുടങ്ങി എന്ന തോന്നലിൽ ഞാനും അനിയനും കൂടി കിണർ തേവിയത്‌.ഉള്ളിലെ ചെളി മൊത്തം അത്‌ പുറത്തേക്കു ശർദ്ദിച്ചു…

ഇപ്പോ വെള്ളം തെളിഞ്ഞു തുടങ്ങിയിരിക്കുന്നു.

ഇടയിൽ ആ ഗൗറ നീന്തി മുകളിലേക്കു വന്ന് എന്നെ നോക്കി നിന്നു.

പിള്ളേർ എറിഞ്ഞിട്ട വസ്തുക്കൾ മാറ്റി കഴിഞ്ഞപ്പോ തന്നെ കിണറും ശൂന്യത അനുഭവിക്കാൻ തുടങ്ങിയിരിക്കണം.

ശൂന്യത എന്റെ മനസ്സിലേക്കു കൂടി വ്യാപിച്ചു തുടങ്ങിയിരിക്കുന്നു.

വീണ്ടും ആ ഗൗറ വെള്ളത്തിനു മുകളിലെത്താൻ ശ്രമിച്ചു പരാചയപ്പെട്ട്‌ അടിയിൽ തെളിഞ്ഞു കണ്ട മണ്ണിലേക്കു പൂണ്ടുപോയി…
“ഉമ്മാ.. നമ്മടെ കിണറ്റിൽ ഉണ്ടായിരുന്ന ആ ഗൗറ മീനിനെ എവിടെയാ കുഴിച്ചിട്ടതെന്നോർക്കുന്നുണ്ടോ? ”

മറുപടിക്കു കാത്ത്‌ നിൽക്കാതെ ഞാൻ പള്ളിക്കലേക്കു തിരിച്ചു…

ഉത്തരം കിട്ടിയോ എന്നന്വേഷിക്കാതെ ഒരു ചോദ്യം കൂടി ഭൂമിയിൽ അവശേഷിച്ചു.
“എടാ എനിക്കും ഒരു ജോടി ഗൗറ…”

അവൻ രണ്ട്‌ ജോടി പൊതിഞ്ഞു തന്നിട്ട്‌ 20 രൂപ മാത്രം സ്വീകരിച്ചു…

“വളർത്തി വലുതാക്കി എനിക്കു തന്നെ തരണേ…”

എന്ന് കളിയായി പറഞ്ഞു.
കിണറിനെ ചൂഴ്‌ന്നിരുന്ന ശൂന്യതയിലേക്ക്‌ നാലു ഗൗറ കുഞ്ഞുങ്ങൾ അലിഞ്ഞു.

പണ്ടെന്നോ തന്റെ പൂർവ്വികന്റെ വാസസ്ഥലമായിരുന്നു ഇതെന്നറിയാതെ…

Advertisements

One thought on “ഗൗറ

Add yours

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )

Blog at WordPress.com.

Up ↑

%d bloggers like this: