കുറുപ്പൻ


മുടി പോലെ തന്നെ വളർന്ന കാട്‌ നിറഞ്ഞ പറമ്പിലായിരുന്നു കുറുപ്പൻ എന്ന പേരിലൂടെ മാത്രം ഞാനറിഞ്ഞ അദ്ധേഹത്തിന്റെ വീട്‌. ഓർമ്മയുടെ താളുകളിൽ ഇപ്പോഴും ആ രൂപം നിറഞ്ഞു നിൽക്കുന്നു ബീഡിക്കറ പുരണ്ട പല്ലുകളെ അലങ്കരിക്കുന്ന ചിരി, പ്രായാധിക്യത്താൽ കൂനിയുള്ള നടത്തം പിന്നെ മടക്കി കുത്തിയ കള്ളിമുണ്ടും , എല്ലുന്തിയ മാറുകാണിക്കാൻ തുറന്നിട്ട ബട്ടൺസും തലേന്നടിച്ച കള്ളിന്റെ ഗന്ധവും..

രാവിലെ ഏഴ്‌ മണിയായാൽ വീടിനു മുമ്പിലെ ഇടുങ്ങിയ വഴിയുടെ അറ്റത്ത്‌ അദ്ധേഹത്തിന്റെ രൂപം പ്രത്യക്ഷപ്പെടും അതാണു മദ്രസയിലേക്ക്‌ ഓടാനുള്ള ഞങ്ങളുടെ അലാറം. കുറുപ്പൻ വീട്ടിലേക്ക്‌ വരുന്ന ദിനം പേടി പുതച്ച്‌ ഏതേലും കട്ടിനടിയിലായിരിക്കും ഞാൻ. മുടിവെട്ടുക എന്നത്‌ എന്തോ എന്നെ പേടിപ്പെടുത്തുന്ന സംഭവമായിരുന്നു, കട്ടിനടിയിൽ നിന്ന് ഉമ്മ പൊക്കിയെടുത്ത്‌ കസേരയുടെ മുകളിൽ കൊണ്ട്‌ പോയി പ്രതിഷ്ഠിക്കും പിന്നെ എന്റെ കരച്ചിൽ കൊണ്ട്‌ മനോഹരമായ അന്തരീക്ഷത്തിലൂടെ മുടികൾ ഓരോന്നായി പറക്കാൻ തുടങ്ങും…

വാ തുറന്നുള്ള കരച്ചിലിനെ ഓരോ മുടിയിഴയും മുറിക്കും പിന്നെ അത്‌ തുപ്പാനുള്ള ശ്രമത്തിൽ കരച്ചിൽ നിൽക്കും എല്ലാം കഴിഞ്ഞ്‌ അദ്ധേഹം മടങ്ങുക 20 രൂപയുമായാണു എത്രപേരുടെ മുടി വെട്ടിയാലും അതിൽ കൂടുതൽ വാങ്ങുന്നത്‌ ഞാൻ കണ്ടിട്ടില്ല..

പിന്നെ നേരെ പോയി കള്ള്‌ വാങ്ങി കുടിച്ച്‌ വീട്ടിലേക്ക്‌ മടങ്ങും…

ഇഷാ നമസ്ക്കാരത്തിനു പള്ളിയിൽ പോകുമ്പോൾ മുടിയേക്കാൾ ഉയരത്തിൽ വളർന്ന് നിൽക്കുന്ന് പുല്ലുകൾക്കുള്ളിൽ  റാന്തൽ വിളക്കിന്റെ വെളിച്ചത്തിൽ ഒതുങ്ങി നിൽക്കുന്ന വീട്‌ കാണാം ചീവീടുകളുടെ ശബ്ദം നിലച്ചാൽ കത്രികകൾ പരസ്പരം ചുമ്പിക്കുന്ന ശബ്ദവും കേൾക്കാം…

പുല്ലിൽ നിന്ന് കാടിലേക്ക്‌ കാലവും ആ പറമ്പും വളർന്നു , വീടിനെ വിഴുങ്ങി. 7 മണിയുടെ അലാറം നിലച്ചവിവരം പലരും അറിഞ്ഞത്‌ വൈകിയാണു. അത്മാവിനെ പരലോകത്തേക്ക്‌ മുടി വെട്ടാൻ പറഞ്ഞയച്ച്‌ ആ ശരീരം അവിടെ ഒരു നാൾ കൂടി വിശ്രമിച്ചു. പിന്നെ കാട്ടിലെ ഉണങ്ങി നിന്ന മരത്തോടൊപ്പം ആ ചിതയിൽ തന്നെ പുകയായുർന്നു…

ഞാൻ വളർന്നു എന്റൊപ്പം വളർന്ന മുടികൾ അങ്ങാടിയിലെ ബാർബർഷോപ്പുകളിൽ ഒടുങ്ങി..

ഇന്നത്തെ ഓട്ടം കഴിഞ്ഞു മടങ്ങിയത്‌ ആ വീടിനു മുമ്പിലൂടെയായിരുന്നു. വെറുതെ ഒന്ന് ചെവിയോർത്തു ചീവീടിന്രെ ശബ്ദത്തിനിടയിൽ വീണ്ടും ആശബ്ദം അത്‌ വളർന്നു കൊണ്ടിരുന്നു…

ഇപ്പോൾ ചുറ്റും കത്രികയുടെ ശബ്ദം മാത്രം…
ഗോപി എന്നായിരുന്നു അദ്ധേഹത്തിന്റെ പേർ…

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )