ഉയിര്‍ത്തെഴുന്നേല്പ്പിന്റെ മൂന്ന് നാളുകള്‍ II


സിദ്ധാപുരത്തിന്റെ രണ്ടാം ദിനം  വീടിന്റെ മുറ്റത്ത് വീണുകിടക്കുന്നു.സുഹൃത്തുകളുമൊത്ത് ബാഡ്മിന്റണ്‍ കളിച്ച് ശരീരത്തെ ഉണര്‍ത്തി.പ്രഭാതഭക്ഷണം പെട്ടെന്ന് തീര്‍ത്ത് കാറില്‍ കയറി. സിദ്ധാപുരത്ത് നിന്ന്  തോല്‍പ്പെട്ടിയിലേക്കാണ് യാത്ര. കുടകിനെ കുറിച്ച് പണ്ടെന്നോ മനസ്സില്‍ കയറിയ ചിത്രമായിരുന്നു ഓറഞ്ച് തോട്ടങ്ങളൊക്കെ ഉള്ള നാടാണ് എന്ന്.പക്ഷേ ഇരുവശത്തും കാപ്പി തോട്ടങ്ങള്ക്കിടയിലാണ് അവിടിവിടെ ഓറഞ്ച് മരങ്ങളുള്ളത് .കാടും തോട്ടങ്ങളും പിന്നിട്ട് വണ്ടി തോല്‍പ്പെട്ടിയെ ലക്ഷ്യമാക്കി നീങ്ങി.മുമ്പില്‍ കറുത്ത പാമ്പുപോലെ റോഡ് വളഞ്ഞു പുളഞ്ഞ് പോകുന്നു.
തോല്‍പ്പെട്ടി വനത്തിന്റെ പ്രധാന സവിശേഷത മൃഗങ്ങളെ നഗ്ന നേത്രം  കൊണ്ട് കാണാമെന്നുള്ളതാണ്.മൃഗത്തെ അതിന്റെ ആവാസവ്യവസ്ഥയില്‍ നിന്ന്  കണ്ടാസ്വദിക്കുക എന്നത് ഇത്തിരി ശ്രമകരമാണ്. നമുക്ക് മുമ്പേ നമ്മുടെ ഗന്ധം അപായസൂചന  നല്‍കി കാട്ടിലൂടെ അലഞ്ഞിരിക്കും.ജീപ്പില്‍ കാട്ടിലൂടെ ട്രക്കിങ്ങ് നടത്തുന്നതിക്കോള്‍ ഉത്തമം കാല്‍ നടയായി കാടിനെ അറിയുക എന്നതാണ്.എന്നാല്‍ അതിനെള്ള സാഹചര്യം തോല്‍പ്പെട്ടിയിലില്ല.ജീപ്പ് ഞങ്ങളെയും വഹിച്ച് കാടിനുള്ളിലേക്ക് ഊളിയിട്ടു.മടങ്ങി വരുന്ന ജിപ്പിനുള്ളില്‍ നിന്നും ആന ഇറങ്ങി എന്ന വിവരം പ്രവഹിക്കുന്നുണ്ടായിരുന്നു , എന്നാല്‍ ഞങ്ങള്‍ക്ക് ദര്‍ശനം  നല്‍കാതെ ആനക്കൂട്ടം മടങ്ങി. കാട് അതിലും വലിയ അനുഭവം ഒരുക്കി വെച്ചിരുന്നു.സൂര്യനു മറ നിന്ന് കാര്‍മേഘം കാടിനെ ചുംബിക്കാന്‍ നൂല് അഴിച്ച് തുടങ്ങി.പ്രണയ തീവ്രതയില്‍ മഴയുടെ മുത്തം താങ്ങാനാവാതെ ഒരു മരം വണ്ടിക്കു മുന്നില്‍ കടപുഴുകി വീണു.കാടിനുള്ളില്‍ ഒറ്റപ്പെട്ട ജീപ്പ്…

ഭയത്തിനു പകരം മറ്റെതോ വികാരം മനസ്സില്‍ നിറഞ്ഞു.മഴ നൂല്‍ കുപ്പായമാക്കി ഡ്രൈവര്‍ക്കൊപ്പം ഞങ്ങള്‍  നീങ്ങി.കാടിന്റെ ഗര്‍ഭത്തില് കൈകാലടിച്ച്  കൊണ്ട്  ജീപ്പ് ഓണായി കാട്ടില് നിന്ന് നവജാതശിശുവിനെ പോലെ കറുത്ത റോഡിനു മുകളില്‍ വന്ന് വീണു.പിന്നിടാനുള്ള ദൂരങ്ങളിലേക്ക് ചൂണ്ടി കൊണ്ട് റോഡ് നീണ്ട്  നിവര്‍ന്ന് കിടന്നു.രാത്രിയെ ലക്ഷ്യമാക്കി ഉറക്കവും ചുമന്ന് ഞങ്ങള്‍ കര്‍ണാടക അതിര്‍ത്തി പിന്നിട്ടു.റൂമിലെത്തി കിടന്നപ്പോഴേക്കും പാതിരാക്കോഴി കൂവിയിരുന്നു.

(തുടരും)

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )