ഉയിര്‍ത്തെഴുന്നേല്പ്പിന്റെ മൂന്ന് നാളുകള്‍ III


മൂന്നാം നാൾ

രണ്ട്  ദിവസത്തെ കാര്‍ യാത്ര ഒഴിവാക്കി ഉയിര്‍ത്തെഴുന്നേല്‍പ്പിന്റെ മൂന്നാം ദിവസം ബൈക്കില്‍ ഗോള്‍ഡന്‍ ടെംപിള്‍ ലക്ഷ്യമാക്കി യാത്ര തിരിച്ചു.

” two wheel can take your soul, four wheel can take your body”
സുഹൃത്തിന്റെ പുറകില്‍ കണ്ണടച്ച് ആത്മാവിന് ചെവികൊടുത്തിരുന്നു. കാടിന്‍ നടുവില്‍ തിരക്കൊഴിഞ്ഞ റോഡിലൂടെ വണ്ടി നീങ്ങി.പേരറിയാ ജീവികളുടെ ശബ്ദങ്ങള്‍ ചെവിയില്‍ തലോടിപോയി. ഗോള്‍ഡന്‍ ടെംപിളിനടുത്തുളള പാര്‍ക്കിങ്ങില്‍ വണ്ടി നിര്‍ത്തി ഇറങ്ങി.അടുത്തുളള ചോളക്കടയില്‍ നിന്ന് പുഴുങ്ങിയ ചോളം വാങ്ങി..

ചോളത്തിന്റെ ഗന്ധം അന്തരീക്ഷത്തില്‍ പടര്‍ന്നു.എവിടെ നിന്നെന്നറിയില്ല രണ്ട് നാടോടിപിള്ളേര്‍ വന്ന് കാലില്‍ പിടികൂടി ഭക്ഷണത്തിന് യാചിച്ചു. വായില്‍ വെക്കാനൊരുങ്ങിയ ചോളം അവര്‍ക്ക് നല്‍കി കൊതിയെ ത്യജിച്ചു.രണ്ട് പേരും കൂടി പങ്കിട്ട് കഴിക്കുന്നത് കണ്ടപ്പോള്‍ മറ്റെന്തോ വികാരം മനസ്സില്‍ നിറഞ്ഞു.യാത്രയുടെ ഒരു ഭാഗം ത്യാഗമാണ്.പലതും ത്യജിക്കാന്‍ തയ്യാറുള്ളവര്‍ക്കേ യാത്ര അതിന്റെ വിസ്മയങ്ങള്‍ തുറന്ന് കൊടുക്കൂ.
ഗോള്‍ഡന്‍ ടെംപിളിന്റെ കോമ്പൌണ്ട് കടന്നപ്പോള്‍ മറ്റേതോ രാജ്യത്ത് ഒറ്റപ്പെട്ട പ്രതീതി ചുറ്റും ബ്രൌെണ്‍ നിറം വസ്ത്രമാക്കിയ ബുദ്ധാുനുയായികള്‍.എല്ലാവരും തല മുണ്ഡനം ചെയ്തിരിക്കുന്നു. ഗോള്‍ഡന്‍ ടെംപിളിനോടുബന്ധിച്ച് മൂന്ന് ക്ഷേത്രങ്ങള്‍ കൂടി ഉണ്ടിവിടെ.ഞങ്ങള്‍ പ്രവേശിക്കുമ്പോള്‍ അവര്‍ പ്രാര്‍ത്ഥയിലാണ്.അടുത്തുള്ള വലിയ മണിയില്‍ നിന്ന് ആത്മീയതയിലേക്കുള്ള ശബ്ദം പ്രവഹിക്കുന്നു. കണ്ണടച്ച്
കഴിഞ്ഞപ്പോള്‍ ആള്‍ക്കൂട്ടത്തിിടയില്‍ പല തരം പെയിന്റിങ്ങുകളാല്‍ ചുറ്റപ്പെട്ട് നില്‍ക്കുന്ന ഞാന്‍…
പ്രാര്‍ത്ഥനമയമായ അന്തരീക്ഷം മന്ത്രോച്ചാരണങ്ങളുടെ നേരിയ ശബ്ദം കഴിഞ്ഞാല്‍ നിശബ്ദമായ അന്തരീക്ഷം..

നാമെന്തെന്ന തിരിച്ചറിവിലേക്ക് മനസ്സ് മടങ്ങി.

പുതിയൊരു ഉയിര്‍ത്തെഴുന്നേല്‍പ്പോടുകൂടി ആ ക്ഷേത്രത്തില്‍ നിന്ന് പടിയിറങ്ങി.
ഗോള്‍ഡന്‍ ടെംപിള്‍ കഴിഞ്ഞാല്‍ എന്തായാലും നാം സഞ്ചരിക്കേണ്ട മറ്റൊരിടമാണ് 2 km അപ്പുറത്തുള്ള മത്സ്യങ്ങള്‍ നിറഞ്ഞ തടാകം . അവിടെ ഒരു കുട്ടി ജിക്കുമ്പോള്‍ ഈ തടാകത്തില്‍ ഒരു മത്സ്യത്തെ നേര്‍ച്ചയാക്കും അതുകൊണ്ട് തന്നെ മത്സ്യങ്ങള്‍ തിങ്ങി നിറഞ്ഞ തടാകമാണിത്.അതിടുത്ത്  നിന്ന് തന്നെ അവയ്ക്കുള്ള തീറ്റയും കിട്ടും. ‘tiger ബിസ്കറ്റ്’അതും വാങ്ങി ആ തടാകത്തിന്റെ കരയിലിരുന്നു.ഓരോ കഷ്ണങ്ങളായി അടര്‍ത്തി വെള്ളത്തിലേക്ക് ഇട്ട് കൊണ്ടിരുന്നു.ഈ തീറ്റയും പ്രതിക്ഷിച്ച് രണ്ട് നായകള്‍, തടാകത്തിന്റെ കരയില്‍ തന്നെ ഉണ്ടായിരുന്നു. ബേപ്പൂര്‍ സുല്‍ത്താന്‍ പറഞ്ഞപോലെ ഭൂമിയുടെ അവകാശികള്‍ നമ്മള്‍ മാത്രമല്ല മറ്റുജീവജാലങ്ങളും കൂടിയാണെന്ന് മനസ്സിലോര്‍ത്ത് അവയ്ക്കും തീറ്റ കൊടുത്തു.

ഒരു യാത്രയുടെ അവസാനം ദാനം കൂടി ആയപ്പോള്‍ എന്റെ ഉയിര്‍ത്തെഴുന്നേല്‍പ്പ് പൂര്‍ണമായി.

തിരിച്ച് കോഴിക്കോടേക്ക് ബസ്സ് പിടിക്കുമ്പോഴേക്കും പകലിനെ തിന്ന രാവ് വളര്‍ന്നിരുന്നു.ഉറക്കം പുതച്ചുകൊണ്ട്

ആ രാവിലൂടെ കോഴിക്കോടേക്ക് ബസ്സ് ഊളിയിട്ടു…

Advertisements

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )